عشتي حكومه ديموقراطيه
ادينا كمان صدق وشفافيه
صحه وتعليم واغلي ماهيه
إحنا اصلنا شعب مالوش ديه
اما الصحه فبص وشوف اوضه فيها ميه
والدم الفاسد بيقول اوعوا تروحوا اعمال خيريه
عشتي حكومه ديموقراطيه
ادينا كمان صدق وشفافيه
صحه وتعليم واغلي ماهيه
إحنا اصلنا شعب مالوش ديه
والتعليم ياما سرق احلام ورديه
اولادنا المساكين انتحروا منك لله ياثانويه
آه ...وآهين من قهرة قلب سليم النيه
عشتي حكومه ديموقراطيه
ادينا كمان صدق وشفافيه
صحه وتعليم واغلي ماهيه
إحنا اصلنا شعب مالوش ديه
وقال ايه بيقولوا ماهيه؟
ماهي من أول يوم خلصت ياعنيه
وادينا ماشيين.. ربنا يحميكي ياطعميه
شغلانه ... اتنين علي كام جمعيه
يمكن ندفع للواد دروس خصوصيه
عشتي حكومه ديموقراطيه
ادينا كمان صدق وشفافيه
صحه وتعليم واغلي ماهيه
إحنا اصلنا شعب مالوش ديه
هناك 5 تعليقات:
كلامكم جميل
والأجمل إن إلتزامك بالموسيقى مخنقش المعني
وده ميعملوش غير واحد موهوب وبيكتب كويس زي ما إصحابك قلولك
ربنا يوفقك
الله يخليك ... ده أول تعليق من حد معرفوش شكررررا ليك
أهو الواحد يتأكد ان الناس اللي حواليه مش بيجاملوه
الله ينور يا دكتورة
كلام حلو قوووي
أنا بحب الشعر الساخر قوي ، لأنه بينقض وضع الحياة إلي أحنا عيشنها بأسلوب سهل وبسيط يفهمه المتعلم والجاهل
دي أول زيارة لي للمدونة وأن شاء الله مش حتكون الأخيرة
تقبلي مروري
مجنووون
شكرررا جدا علي المرور الجميل وهستني مرور حضرتك دايما
شكرررا جدا علي المرور الجميل وهستني مرور حضرتك دايما
إرسال تعليق